ਤਾਜਾ ਖਬਰਾਂ
ਪਾਕਿਸਤਾਨ ਕ੍ਰਿਕਟ ਟੀਮ ਦੇ ਖਿਡਾਰੀ ਫਖਰ ਜ਼ਮਾਨ ਅਤੇ ਸ਼ਾਹੀਨ ਸ਼ਾਹ ਅਫਰੀਦੀ ਸ਼੍ਰੀਲੰਕਾ ਖਿਲਾਫ ਹੋਏ ਤਿਕੋਣੀ ਲੜੀ (ਟ੍ਰਾਈ ਨੇਸ਼ਨ ਸੀਰੀਜ਼) ਦੇ ਫਾਈਨਲ ਮੈਚ ਦੌਰਾਨ ਅੰਪਾਇਰ ਦੇ ਫੈਸਲੇ ਤੋਂ ਨਾਖੁਸ਼ ਹੋਣ ਕਾਰਨ ਬਦਤਮੀਜ਼ੀ 'ਤੇ ਉਤਰ ਆਏ। ਰਾਵਲਪਿੰਡੀ ਕ੍ਰਿਕਟ ਸਟੇਡੀਅਮ ਵਿੱਚ ਹੋਏ ਇਸ ਮੁਕਾਬਲੇ ਵਿੱਚ ਦੋਵਾਂ ਖਿਡਾਰੀਆਂ ਨੇ ਅੰਪਾਇਰ ਦੇ ਫੈਸਲੇ ਦਾ ਮਜ਼ਾਕ ਉਡਾਇਆ ਅਤੇ ਉਨ੍ਹਾਂ ਨਾਲ ਬਹਿਸ ਕੀਤੀ। ਇਸ ਘਟਨਾ ਲਈ ਹੁਣ ਅੰਤਰਰਾਸ਼ਟਰੀ ਕ੍ਰਿਕਟ ਕੌਂਸਲ (ICC) ਵੱਲੋਂ ਉਨ੍ਹਾਂ 'ਤੇ ਸਖ਼ਤ ਕਾਰਵਾਈ ਹੋ ਸਕਦੀ ਹੈ।
ਕੈਚ ਨੂੰ ਲੈ ਕੇ ਹੋਇਆ ਵਿਵਾਦ
ਇਹ ਸਾਰਾ ਵਿਵਾਦ ਸ਼੍ਰੀਲੰਕਾ ਦੀ ਪਾਰੀ ਦੇ 19ਵੇਂ ਓਵਰ ਵਿੱਚ ਸ਼ੁਰੂ ਹੋਇਆ, ਜਦੋਂ ਗੇਂਦਬਾਜ਼ੀ ਸ਼ਾਹੀਨ ਅਫਰੀਦੀ ਕਰ ਰਹੇ ਸਨ। ਸ਼੍ਰੀਲੰਕਾਈ ਕਪਤਾਨ ਦਾਸੁਨ ਸ਼ਨਾਕਾ ਨੇ ਸ਼ਾਟ ਖੇਡਿਆ ਅਤੇ ਗੇਂਦ ਨੂੰ ਐੱਜ ਲੱਗਣ ਕਾਰਨ ਉਹ ਹਵਾ ਵਿੱਚ ਉੱਪਰ ਚਲੀ ਗਈ। ਫਖਰ ਜ਼ਮਾਨ ਨੇ ਡਾਈਵ ਲਗਾ ਕੇ ਕੈਚ ਫੜਿਆ।
ਮੈਦਾਨੀ ਅੰਪਾਇਰਾਂ ਨੇ ਫੈਸਲਾ ਤੀਜੇ ਅੰਪਾਇਰ ਨੂੰ ਭੇਜਿਆ, ਜਿਨ੍ਹਾਂ ਨੇ ਲੰਬੀ ਜਾਂਚ ਤੋਂ ਬਾਅਦ ਸ਼ਨਾਕਾ ਨੂੰ 'ਨੌਟ ਆਊਟ' ਕਰਾਰ ਦਿੱਤਾ। ਇਸ ਫੈਸਲੇ ਤੋਂ ਫਖਰ ਜ਼ਮਾਨ ਅਤੇ ਪੂਰੀ ਪਾਕਿਸਤਾਨੀ ਟੀਮ ਬਹੁਤ ਨਾਖੁਸ਼ ਨਜ਼ਰ ਆਈ ਅਤੇ ਉਨ੍ਹਾਂ ਨੇ ਅੰਪਾਇਰ ਨਾਲ ਬਹਿਸ ਸ਼ੁਰੂ ਕਰ ਦਿੱਤੀ।
ਵਿਵਾਦਪੂਰਨ ਜਸ਼ਨ
ਓਵਰ ਦੀ ਆਖਰੀ ਗੇਂਦ 'ਤੇ ਸ਼ਾਹੀਨ ਅਫਰੀਦੀ ਨੇ ਸ਼੍ਰੀਲੰਕਾ ਦੇ ਕਪਤਾਨ ਨੂੰ ਕਲੀਨ ਬੋਲਡ ਕਰਕੇ ਪਵੇਲੀਅਨ ਦਾ ਰਾਹ ਦਿਖਾਇਆ। ਇਸ ਵਿਕਟ ਤੋਂ ਬਾਅਦ ਸ਼ਾਹੀਨ ਅਤੇ ਫਖਰ ਜ਼ਮਾਨ ਗੁੱਸੇ ਵਿੱਚ ਨਜ਼ਰ ਆਏ ਅਤੇ ਆਪਣੀ 'ਜਸ਼ਨ' ਦੌਰਾਨ ਉਨ੍ਹਾਂ ਨੇ ਅੰਪਾਇਰ ਵੱਲ ਵੇਖ ਕੇ ਅਪੀਲ ਕਰਨ ਦਾ ਨਾਟਕ ਕੀਤਾ। ਸ਼ਾਹੀਨ ਨੇ ਗੁੱਸੇ ਵਿੱਚ ਆਪਣੇ ਹੱਥ ਉੱਪਰ ਚੁੱਕ ਕੇ ਅੰਪਾਇਰ ਨੂੰ ਪੁੱਛਣ ਦੀ ਕੋਸ਼ਿਸ਼ ਕੀਤੀ ਕਿ 'ਇਹ ਤਾਂ ਆਊਟ ਹੀ ਹੈ, ਜਾਂ ਨਹੀਂ।'
ਦੋਵਾਂ ਖਿਡਾਰੀਆਂ ਦਾ ਅੰਪਾਇਰ ਪ੍ਰਤੀ ਇਹ ਰਵੱਈਆ ਕ੍ਰਿਕਟ ਪ੍ਰਸ਼ੰਸਕਾਂ ਨੂੰ ਬਿਲਕੁਲ ਵੀ ਪਸੰਦ ਨਹੀਂ ਆ ਰਿਹਾ ਹੈ।
ICC ਲੈ ਸਕਦੀ ਹੈ ਸਖ਼ਤ ਐਕਸ਼ਨ
ਪਿਛਲੇ ਕੁਝ ਸਮੇਂ ਵਿੱਚ ICC ਨੇ ਆਪਣੇ ਨਿਯਮਾਂ ਨੂੰ ਕਾਫ਼ੀ ਸਖ਼ਤ ਕਰ ਦਿੱਤਾ ਹੈ। ਕਿਸੇ ਵੀ ਖਿਡਾਰੀ ਵੱਲੋਂ ਵਿਰੋਧੀ ਟੀਮ ਜਾਂ ਅੰਪਾਇਰ ਨਾਲ ਬਦਸਲੂਕੀ ਕਰਨ 'ਤੇ ਕੜਾ ਜੁਰਮਾਨਾ ਲਗਾਇਆ ਜਾਂਦਾ ਹੈ ਅਤੇ ਮੈਚ ਫੀਸ ਕੱਟੀ ਜਾਂਦੀ ਹੈ। ਅੰਪਾਇਰ ਨਾਲ ਬਹਿਸ ਅਤੇ ਉਨ੍ਹਾਂ ਦੇ ਫੈਸਲੇ ਦਾ ਮਜ਼ਾਕ ਉਡਾਉਣ ਕਾਰਨ ਹੁਣ ICC ਪਾਕਿਸਤਾਨੀ ਖਿਡਾਰੀਆਂ ਦੀ ਮੈਚ ਫੀਸ ਕੱਟ ਸਕਦੀ ਹੈ। ਇਸ ਤੋਂ ਇਲਾਵਾ, ਉਨ੍ਹਾਂ ਨੂੰ ਸਜ਼ਾ ਦੇ ਤੌਰ 'ਤੇ ਡਿਮੈਰਿਟ ਪੁਆਇੰਟ ਵੀ ਦਿੱਤੇ ਜਾ ਸਕਦੇ ਹਨ।
Get all latest content delivered to your email a few times a month.
